AQShda notinchlik: Turli shaharlarda o‘n minglab odamlar Tramp siyosatiga norozilik bildirish uchun namoyish o‘tkazmoqda

Los-Anjeles va Nyu-Yorkda bir necha ming kishi yig‘ilib, AQSh prezidenti Donald Tramp va uning ma’muriyati siyosatiga qarshi namoyishga chiqdi.

NBC News telekanali xabar berishicha, Vashingtonda rejalashtirilgan harbiy parad va Amerika yetakchisining tug‘ilgan kuni munosabati bilan mamlakat bo‘ylab norozilik namoyishlari bo‘lib o‘tmoqda.

Filadelfiyadagi namoyishda 14 mingga yaqin odam ishtirok etmoqda, yuzlab odamlar Vashington chekkasida Fox 5 telekanali bosh qarorgohi yaqinidagi mitingga to‘planishdi.

"AQSh prezidenti Donald Tramp siyosatiga rozi bo‘lmagan mingdan ortiq odam Floridadagi Mar-a-Lagodagi qarorgohi tomon yurish qildi”, — deb yozadi The Washington Post.

Namoyishchilar qo‘llarida “Biz hukumatmiz”, “Tinchlik bu hukumat”, “Deportasiyaga yo‘q”, “Eron bilan urushga yo‘q” kabi plakatlarni ushlab, “Demokratiya mana shunday ko‘rinadi”, “Tramp, ket!”, “Impichment hozir” va hokazo.

Amerika matbuotining yozishicha, namoyishlar tinchgina davom etmoqda. Voqea joyida kuchaytirilgan polisiya bo‘linmalari mavjud, biroq ular hozircha mitingga aralashishmayapti.