Evropa Ittifoqining yangi sanksiyalar paketi Rossiya yadroviy loyihalarini o‘z ichiga olmaydi

Evrokomissiya prezidenti Ursula fon der Lyayen Kanadada bo‘lib o‘tadigan G7 yig‘ilishida Rossiya nefti narxini pasaytirish niyatida ekanligini ma’lum qildi.

Bu haqda u Bryusseldagi matbuot anjumanida ma’lum qildi.

"Bizning jamoalarimiz, albatta, G7doirasida, ayniqsa AQSh vakillari bilan aloqada. Biz Rossiyani bu sanksiyalar bilan muzokara stoliga o‘tirishga majburlash, barqaror tinchlikka erishish uchun bu muzokaralarga jiddiy yondashish maqsadiga jiddiy sodiqmiz. Bu umumiy maqsad", - dedi u.

EK rahbari, shuningdek, rejalashtirilgan 18-sanksiya paketi neft narxining yuqori chegarasini bir barrel uchun 60 dollardan 45 dollargacha pasaytirish va "Shimoliy oqim" gaz quvuridan foydalanishni taqiqlashni o‘z ichiga olishini tasdiqladi.

Kutilganlardan farqli o‘laroq, Rossiya yadro sanoati va yadro eksportiga qarshi sanksiyalar yangi cheklovchi choralar to‘plami loyihasiga kiritilmagan.

Avvalroq Bryusseldagi manbalar Yevropa Ittifoqining yangi sanksiyalar paketi Rossiyaning neft va atom energetika sohalariga qarshi choralarni o‘z ichiga olishini da’vo qilgan edi.