Eron prezidenti iyun oyi oxirida Belarusga tashrif buyuradi

Eron prezidenti Masud Pezeshkian iyun oyi oxirida Belarusga rasmiy tashrif bilan boradi.

Bu haqda Belarus tashqi ishlar vaziri Maksim Rijenkov MGIMO talabalari bilan uchrashuvda ma’lum qilgan.

"26-27 iyun kunlari bo‘lib o‘tadigan YEOII Oliy iqtisodiy kengashi yig‘ilishi doirasida Eron prezidentining ham rasmiy tashrifi bo‘ladi. U nafaqat YEOI yo‘nalishidagi ushbu tadbirda, balki tadbirga hamroh bo‘ladigan iqtisodiy forumda ham ishtirok etadi, bu uning rasmiy tashrifi bilan ham qo‘shiladi", - dedi Rijenkov.

Uning so‘zlariga ko‘ra, Tehron va Minsk ko‘plab xalqaro muammolarga bir nigoh bilan qaraydi. Bundan tashqari, Eron Belarus uchun logistika, Belarus tovarlarini yetkazib berish nuqtai nazaridan muhim ahamiyatga ega.

"Biz Eron orqali o‘tadigan "Shimol-Janub" yo‘lagining rivojlanishini kuzatmoqdamiz, chunki bu bizning mahsulotlarimizni Hindiston va Janubi-Sharqiy Osiyoga yetkazib berish imkoniyatlarini oshiradi, deb umid qilamiz”, — deya qo‘shimcha qildi vazir.