Rossiyaga migrantlarni moslashtirish markazlari kerak emas — buning o‘rniga davlat ishchi kuchi tanqisligini bartaraf etish uchun ishlab chiqarishni robotlashtirish yo‘nalishiga sarmoya kiritishi lozim, deb ta’kidladi Federasiya Kengashi Mudofaa va xavfsizlik qo‘mitasi rais o‘rinbosari Sergey Muratov.
"Men shaxsan sanoatchi sifatida bugungi kunda mablag‘larni chet ellik fuqarolarni moslashtirish uchun alohida hududlar yaratishga emas, balki avtomatlashtirish va robotlashtirishga yo‘naltirgan bo‘lardim. Bu mamlakat rivojlanishini ta’minlagan bo‘lardi," — dedi u.
Senator migrantlarni moslashtirish dasturlarining samaradorligiga umuman shubha bildirganini qayd etdi. Yaqin vaqt ichida Kemerovo va Chelyabinsk viloyatlari, Tatariston, Yoqutiston va Xabarovsk o‘lkasida kelgindilarga rus tili va urf-odatlarini o‘rgatish bo‘yicha sinov markazlari ochiladi.
