Magnus Karlsen FIDEning amaldagi rahbari Arkadiy Dvorkovichga murojaat qildi

Norvegiyalik grossmeyster Magnus Karlsen FIDEning amaldagi rahbari Arkadiy Dvorkovichga murojaat qildi.

"O‘yinchilarni majburlash, vakolatdan noto‘g‘ri foydalanish va bajarilmagan va’dalar. FIDE prezidenti Dvorkovich, meni Nyu-Yorkdagi Jahon chempionatida o‘ynashga ko‘ndirish uchun 19 dekabr kuni otamga quyidagicha xabar yuborgansiz:

"Sizga va Magnusga shuni yetkazmoqchiman: FIDE hamda Freestyle o‘rtasidagi tan olinish bilan bog‘liq qanday vaziyat bo‘lmasin, o‘yinchilarga buning hech qanday salbiy ta’siri bo‘lmaydi. Ular o‘zlari qaror qilishlari mumkin va FIDE hech qanday salbiy chora ko‘rmaydi".

O‘sha kuni keyinroq shunday qo‘shimcha qilgansiz: "Agar mening so‘zim FIDE Kengashi tomonidan buzilsa, men lavozimimdan ketaman".

O‘yinchilardan qabul qilib bo‘lmas darajadagi shartnomaga imzo chektirish bilan siz o‘z va’dangizni buzdingiz. "Endi iste’fo berasizmi?", deb yozdi Magnus ijtimoiy tarmoqlardagi sahifalari orqali.