Зеленский ва Трамп Нью-Йоркда учрашади

Зеленский Трамп билан суҳбатлашди ва Нью-Йоркда учрашувни эълон қилди

Владимир Зеленский ижтимоий тармоқларда Дональд Трамп билан телефон орқали суҳбатлашганини маълум қилди.

«Муҳим суҳбат бўлди, кўплаб масалаларни муҳокама қилишга улгурдик. Нью-Йоркда учрашишга келишиб олдик ва бу учрашув кўп нарсани ўзгартириши мумкин. Дипломатик динамика мавжуд», — деб ёзди Украина президенти.

Зеленский Трамп билан учрашув айнан қайси куни бўлиб ўтишини аниқлаштирмади. Аввалроқ у Нью-Йоркда 28 сентябргача давом этадиган БМТ Бош Ассамблеяси сессиясида иштирок этиш учун келиши режалаштирилаётгани хабар қилинган эди.