Украина президенти Владимир Зеленский яқин бир неча ҳафта ичида АҚШга ташриф буюради ва мамлакат президенти Жо Байден билан учрашиб, Россияга зарба беришга рухсат сўрайди. Бу ҳақда Германиянинг Билд газетаси маълум қилди .
«Зеленский яқин бир неча ҳафта ичида АҚШга боради», — дейилади нашрда.
Нашрнинг ёзишича, учрашув давомида Зеленский ўз стратегиясини Байденга, шунингдек, АҚШ президентлигига номзодлар Камала Харрис ва Доналд Трампга айтиб беришни режалаштирган .
Манбага кўра, Украина раҳбари америкалик ҳамкасбидан Россиянинг чуқур қисмидаги нишонларга зарба бериш учун Ғарбнинг узоқ масофали қуролларидан фойдаланишга рухсат беришни талаб қилишни режалаштирмоқда.
Бундан ташқари, Билд нашрининг ёзишича, бошқа масалалар қаторида Украинанинг фронтнинг айрим секторларида маҳаллий ўт очишни тўхтатишга рози бўлишга тайёрлигини муҳокама қилиш режалаштирилган.
