Украина президенти Владимир Зеленский чоршанба куни эрталаб Вилнюсдаги НАТО саммити йиғилишларига келди ва матбуотга қисқа баёнот бериб, саммитдаги мамлакатнинг устувор йўналишлари ҳақида гапирди.
Чоршанба куни Вилнюсда, хусусан, янги ташкил этилган НАТО-Украина кенгашининг биринчи йиғилиши ва Зеленскийнинг АҚШ президенти Жо Байден ва бошқа НАТО давлатлари раҳбарлари билан учрашувлари режалаштирилган.
Зеленский сешанба куни Вилнюсга келди, бироқ Украинани НАТОга қабул қилиш масаласи муҳокама қилинган саммитда иштирок этмади - унинг иштироки режалаштирилмаган эди.
