Зеленский Канададаги Кананаскис шаҳрида бўлиб ўтаётган G7 саммитига етиб келди

Бу ҳақда Украина оммавий ахборот воситалари маълум қилди.

Хабарларга кўра, Зеленский G7 давлатлари етакчиларининг “Кучли ва суверен Украина” мавзусидаги махсус йиғилишида иштирок этади.

Шунингдек, у Франция ва Бразилия президентлари, Британия, Ҳиндистон ва Япония бош вазирлари, шунингдек Евроиттифоқ ва NATO'нинг юқори мартабали расмийлари билан қатор учрашувлар ўтказишни режалаштирган.

Аввалроқ унинг АҚШ президенти Доналд Трамп билан ҳам учрашуви режалаштирилган эди, бироқ, Трамп саммитни муддатидан олдин тарк этди.