Москва Россиянинг Швециядаги элчихонасига бўёқли учувчисиз қурилма билан ҳужум қилинганидан сўнг Стокголмдан Вена конвенциясига қатъий риоя этишни талаб қилмоқда.
Бу ҳақда Россия Ташқи ишлар вазирлиги расмий вакили Мария Захарова маълум қилди.
"Биз Швеция ҳукуматидан 1961 йилги Дипломатик муносабатлар тўғрисидаги Вена конвенциясига мувофиқ қабул қилувчи томон сифатида Россия дипломатик ваколатхонасининг жисмоний хавфсизлиги ва дахлсизлигини таъминлаш бўйича мажбуриятларини сўзсиз бажаришни талаб қиламиз," дея таъкидлади у.
Захарованинг айтишича, 2024 йилнинг май ойидан буён 15 та шундай воқеа содир бўлган.
Шунингдек, у Швеция ҳуқуқни муҳофаза қилиш органлари ҳозиргача ушбу ҳужумларнинг бирортаси бўйича ҳам жиноятчиларни аниқлай олмагани ва жавобгарликка торта олмаганини алоҳида қайд этди.
