“Янгиланган ва такомиллаштирилган” тинчликка эришиш бўйича асосий келишувни ишлаб чиқилди

АҚШ ва Украина музокаралари натижасида томонлар “янгиланган ва такомиллаштирилган” тинчликка эришиш бўйича асосий келишувни ишлаб чиқди — Оқ уй.

Маълум қилинишича, АҚШ томонидан музокараларда давлат котиби Марко Рубио, президентнинг махсус вакили Стив Уиткофф, АҚШ армияси вазири Дениэл Дрисколл ва президент Доналд Трампнинг куёви Жаред Кушнер иштирок этган.

"Вашингтон ва Киев келажакдаги ҳар қандай битим Украина суверенитетини қўллаб-қувватлаши ва барқарор ҳамда адолатли тинчликни таъминлаши лозим, деган фикрда. Украина томони учрашувда хавфсизлик кафолатлари, узоқ муддатли иқтисодий ривожланиш, инфратузилмани ҳимоя қилиш, кемалар қатнови эркинлиги ва сиёсий суверенитет каби барча асосий масалалар батафсил кўриб чиқилганини тасдиқлаган. Украина вакиллари ҳар бир йўналишда таклиф ва эътирозлари инобатга олингани учун миннатдорлик билдирди", дейилади Оқ уй баёнотида.

Таъкидланишича, ушбу жараён доирасидаги якуний қарорларни Украина ва АҚШ президентлари қабул қилади.