Айни пайтда Туркия мамлакат қуролли кучларининг Ғазодаги халқаро кучлар миссиясида иштирок этиши бўйича қарор қабул қилмаган. Бу ҳақда Туркия президенти Ражаб Тоййиб Эрдўған G20 саммитида матбуот анжуманида маълум қилди.
"Бу масала баҳолашни талаб қилади. Шундай қилиб, биз, хусусан, Миллий мудофаа вазирлиги, хавфсизлик кучларимиз Ғазода барқарорлаштирувчи куч сифатида қандай қўлланилиши мумкинлиги масаласини таҳлил қиламиз. Ушбу баҳолаш ўтказилгандан кейин қарор қабул қилинади," - деди Эрдўған.
Туркия президенти, шунингдек, Анқара иштирокида таъминланган Ғазо секторидаги ўт очишни тўхтатиш режими давом этиши кераклигини, жанговар ҳаракатларнинг қайта бошланишига йўл қўйиб бўлмаслигини айтди: "Бизнинг иштирокимизда Ғазода сулҳ таъминланди. Биз яна тўқнашувларга йўл қўймаслик учун қўлимиздан келган барча ишни қилмоқдамиз. Ушбу босқичда сулҳнинг давом этишини таъминлаган ҳолда, доимий ечимга эришиш учун икки давлат формуласини ҳам амалга ошириш жуда муҳимдир."
Эрдўғаннинг қайд этишича, "1967 йилги чегаралар асосида пойтахти Шарқий Қуддус бўлган эркин Фаластин давлатини тузмасдан туриб, глобал тинчликни тўлиқ таъминлаб бўлмайди."
Ўзбекистонликлар ва туркманистонликларнинг қаршилигига қарамай Роғун ГЕС қурилиши давом этади
UCI собиқ вице-президенти Осама Ал Шафар Ўзбекистонда вафот этгани айтилмоқда
Эрон Исроил билан урушда Россиянинг ёрдами ҳақида гапирди
