Ямал тарихий рекорд ўрнатди

«Барселона» Испания чемпионатининг 31-тури доирасида ўз майдонида «Эспаньол»ни 4:1 ҳисобида мағлуб этди.

Каталонияликлар вингери Ламин Ямаль ушбу ўйинда асосий таркибда майдонга тушиб, 1 та гол ва 2 та голли узатмага муаллифлик қилди. Бу учрашув унинг Ла Лигадаги 100-ўйини бўлди. Шу пайтда у 18 ёш 272 кунлик эди.

Шу тариқа, у Рауль Гонсалесга тегишли рекордни янгилади. «Реал Мадрид» собиқ ҳужумчиси 100-ўйинини 19 ёш 284 кунлигида ўтказган эди.

Энг ёшлар рўйхатида, шунингдек, Икер Муниаин (19 ёш 293 кун), Хосеба Эчеберрия (20 ёш 177 кун) ва Боян Кркич (20 ёш 203 кун) ҳам бор.