Бундан бир неча кун аввал “Ақлвой” телеканали орқали беҳаё кадрлар эфирга узатилгани ҳақида хабар бергандик. Хонанда Лола бу ҳолатга нисбатан ўз муносабатини билдириб ўтди ва телеканалда шу турдаги материаллар бериб борилиши кераклигини айтди.
“Инстаграмда янгиликларни очдим. У ерда “Ақлвой” телеканали беҳаё ва болалар учун тақиқланган контентни эфирга узатгани ҳақида ёзилган. Улар бизга нимани кўрсатишяпти? Улар бизга италиялик буюк рассом Ботичеллининг “Венеранинг туғилиши” асарини кўрсатишган. Ижтимоий тармоқларнинг кўплаб фойдаланувчилари ва “Ақлвой” телеканалининг кичик томошабинлари бунинг нима эканлигини тушунмасликлари ва бу ҳақида ҳеч қачон эшитмаганларига ишончим комил. Айнан мана шунинг учун ҳам ушбу канал болаларга бошқа қизиқарли кўрсатувлар қаторида мана шу турдаги контентни ҳам бериши керак”, деди Лола.
Хонанда олдинга қараб неча қадам ташланаётганига қарамай, орқага ундан икки карра кўпроқ қадам ташланаётганини айтиб ўтган. “Бу жуда ачинарли. Шу сабабли ҳам одамларда нимадир қилиш истаги йўқолади”, деди ижодкор.
