Сешанба куни Хитой шимолида Шаньси провинциясидаги кўмир конида юз берган портлаш натижасида тўрт киши ҳалок бўлди ва яна бир киши жароҳат олди.
Хабар беришларича, портлаш Lu'an Group компаниясига тегишли объект ҳудудида маҳаллий вақт билан соат 02:00да содир бўлган. Расмийларга кўра, воқеага газнинг портлаши сабаб бўлган.
Конда қутқарув ишлари якунланди. Жабрланувчи касалхонада. Ҳодисанинг ҳолати аниқланмоқда, тергов ишлари олиб борилмоқда.