Хитой ТИВ Россия армияси сафида Украинага қарши урушаётган 155 нафар хитойлик ҳақида ҳеч қандай маълумотга эга эмаслигини маълум қилди.
Хитой Ташқи ишлар вазирлиги вакили Линь Цзянь жирналистларнинг шу ҳақдаги саволига "Бизда бу масалада улашадиган ҳеч қандай маълумот йўқ", деб жавоб берди.
"Шуни алоҳида таъкидлашни истардимки, Хитойнинг Украина инқирозига нисбатан позицияси объектив ва адолатли. Биз ўт очишни тўхтатиш ва тинч музокараларга кўмаклашишга интиламиз. Бу халқаро ҳамжамият учун ҳам яхши маълум”, — дея қўшимча қилди Цзянь.
Аввалроқ Хитой Ташқи ишлар вазирлиги расмий Пекин Россия армиясига кўнгилли сифатида бораётган хитойликларга алоқадор эмаслигини билдирганди. Асирга олинган хитойликлардан бири ҳам Россия томонида урушга ҳукумат буйруғи билан эмас, балки ихтиёрий равишда қатнашганини айтган эди.
Роналдунинг ўзи ва оиласи хавф остида!
“Тез орада Худонинг ёрдами билан — бу бутун Исроил юрти бўлади”
Рубл дунёнинг барча валюталарини ортда қолдирди
