Венгрия бош вазири Виктор Орбан Хитой етакчиси Си Жинпин билан учрашди.
Орбан ХХР раҳбари билан учрашувнинг асосий мавзуси Украинада тинчликка эришиш масаласи муҳокамаси бўлганини маълум қилди.
"Хитой Россия-Украина урушида тинчлик учун шарт-шароит яратувчи асосий кучдир. Шунинг учун ҳам мен Будапештга расмий ташрифидан икки ой ўтиб, раис Си Жинпин билан учрашиш учун Пекинга келдим", — деб ёзади Венгрия бош вазири Х ижтимоий тармоғидаги саҳифасида.