Хитой Халқ Республикаси (ХХР) раиси Си Цзиньпин Вашингтондаги Дональд Трампнинг президентлик инаугурациясида қатнашмайди.
Бу ҳақда Американинг CBS телеканали хабардор манбаларга таяниб хабар берди.
20 январга режалаштирилган тадбирда Хитойнинг АҚШдаги элчиси ва унинг рафиқаси иштирок этиши кутилмоқда, бу одатий амалиётга мос келади, дея аниқлик киритмоқда телеканал. Элчига Пекиндан бошқа расмийлар ҳам қўшилиши мумкин, бироқ Си Цзиньпиннинг ўзи қатнашмайди.
Хабарларга кўра, расмий дипломатик каналлардан ташқарида келган таклиф АҚШ ва Хитой ўртасидаги қаттиқ протокол ва мураккаб муносабатларга ўрганиб қолган хитойлик амалдорлар учун кутилмаган бўлган.
