Хитой Россия-Украина можаросининг ҳеч бир томонига қурол бермаяпти. Бу ҳақда Хитой Ташқи ишлар вазирлиги расмий вакили Лин Тсзян НАТО саммити якунлари бўйича қабул қилинган Вашингтон декларациясининг тегишли бандини шарҳлар экан, маълум қилди.
«Биз тинч музокаралар ва сиёсий келишув тарафдоримиз. <...> Биз ҳеч қачон можаро иштирокчиларидан бирортасига ҳалокатли қуроллар бермаймиз ва икки томонлама мақсадли товарлар, жумладан, фуқаролик учувчисиз самолётлар устидан қатъий экспорт назоратини амалга оширамиз», — дея таъкидлади Лин Жиан.
НАТО декларациясида Хитой Россиянинг Украинага қарши урушдаги ҳарбий ҳаракатларининг асосий ҳомийси сифатида кўрсатилган. Альянс Пекинни Россия ҳарбий машинасига моддий ва сиёсий ёрдам беришни тўхтатишга чақирди.