Хитой AҚШ сиёсатчиларини Тайван муаммосига ишора қилиб, "олов билан ўйнашмасликка" чақирди. Бу ҳақда Хитой ташқи ишлар вазирлигининг расмий вакили Чжао Лицзянь маълум қилди, деб ёзади “ТAСС”.
Унинг таъкидлашича, Пекин Вашингтон ва Тайван ўртасидаги ҳар қандай алоқаларга қарши, чунки у ушбу ички аралашувга қарши ва ХХРнинг "асосий манфаатлари"ни ҳимоя қилади. "Олов билан ўйнайдиганлар куйиб кетади", деди Чжао.
Ташқи ишлар вазирлиги вакили, шунингдек, Тайван расмийларини нотўғри йўлдан кетишлари мумкинлиги ҳақида огоҳлантирди. "Сиз ҳийла-найрангларга берилиб кетмаслигингиз, бажонидил қўғирчоққа айланиб, бошқаларга қарам бўлиб, чет элдан ёрдам сўраб, эпидемия баҳонасида мустақилликка интилмаслигингиз керак", – дея қўшимча қилди у.
Дипломат соғлиқни сақлаш вазири Aлекс Aзар бошчилигидаги AҚШ расмий делегациясининг Тайванга ташрифини қоралади. Бу олти йил ичидаги биринчи ташриф эди.
11 январь куни Тайванда бўлиб ўтган парламент сайловларида Демократик партия ғалаба қозонди ва унинг раҳбари Цай Инвэнь ўша куни бўлиб ўтган президентлик сайловларида ҳам ғалабани қўлга киритди. Ҳукмрон партия орол мустақиллигини ҳимоя қилмоқда.
Хитой истилоси таҳдиди Тайваннинг мустақиллигини расмий эълон қилишга тўсқинлик қилмоқда — ХХР Тайван билан бирлашишни "асосий манфаати" деб билади. 2005 йил март ойида, Хитой мустақилликни эълон қилса, оролга қарши ҳарбий куч ишлатиш тўғрисида қонун қабул қилган.
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
