Хитой АҚШдан келадиган товарларга қўшимча бож тўловларини 125 фоизгача оширади. Бу ҳақда Хитой Халқ Республикаси Давлат кенгашининг тарифлар қўмитасига таяниб "ТАСС" хабар бермоқда.
Маълумки, тариф ставкаси 12 апрелдан бошлаб оширилади.У АҚШдан олиб келинган барча товарларга нисбатан қўлланилади. Таъкидланишича, бу чора Америка маъмуриятининг протексионистик ҳаракатларига жавоб сифатида қабул қилинган.
Нашр қилинган баёнотда таъкидланганидек, Вашингтоннинг ХХР маҳсулотларига нисбатан ўта юқори тарифлари "халқаро савдо-иқтисодий қоидаларни, асосий иқтисодий қонунларни ва соғлом фикрни жиддий бузишдир".
“Мавжуд тарифлар даражасида бозор ХХРга етказиб берилаётган Америка товарларини қабул қила олмаслигини ҳисобга олиб, Хитой томони Хитойдан келадиган маҳсулотларга нисбатан АҚШ божларини янада оширишга эътибор қаратмайди”, — дейилади хабарда.
АҚШ президенти Дональд Трамп 2 апрель куни дунёнинг 180 дан ортиқ мамлакат ва ҳудудлари товарларига божхона тўловлари жорий этилишини маълум қилди. Пекинга нисбатан бу кўрсаткич 34% ни ташкил этди. Бунга жавобан Хитой 10 апрелдан бошлаб барча Америка маҳсулотларига 34 фоизлик қўшимча тарифларни тасдиқлади. Шундан сўнг Вашингтон Пекинга Хитой томони АҚШ билан савдо битимига киргунига қадар 104 фоизлик тарифларни ваъда қилди. Бу қарши чораларга олиб келди: Хитой АҚШга нисбатан тарифларни 84% га оширди. Ўз навбатида, Трамп Хитой товарларига божларни зудлик билан 125 фоизгача оширишни эълон қилди.
