Хитойнинг Xiaomi технологик компанияси ўзининг биринчи "CyberDog" деб номланган робот-итини тақдим этди.
CyberDog Nvidia'нинг мустақил қурилмалар учун мўлжалланган Jetson Xavier NX модули билан жиҳозланган. Компания уни "сунъий интеллектнинг энг кичик суперкомпьютери" деб атади.
Робот итнинг вазни уч килограммни ташкил этади. Секундига уч метр тезликда ҳаракатланишга қодир бўлган бу қурилма ярим автоном режимда ҳаракатланишини таъминлайдиган датчиклар ва камералар билан жиҳозланган.
CyberDog'ни махсус дастур ёрдамида бошқариш мумкин. Робот атроф-муҳитни таҳлил қилиш, транспорт чақириш, манзилни аниқлаб, тўсиқлардан қочиш имкониятларига эга.
Бундан ташқари, ушбу робот "Соҳибга эргаш, панжангни бер, орқага бурил" каби овозли буйруқларни ҳам анализ қилиб, бажара олади.
Xiaomi биринчи босқичда компания мухлислари, муҳандислари ва робототехника ихлосмандлари учун минг дона CyberDogs ишлаб чиқарилишини маълум қилди. Унинг нархи 1500 доллар атрофида бўлади.
