Хамас ва Исроил ўртасида кутилаётган келишувнинг асосий бандлари

Дунё бўйлаб бир қатор оммавий ахборот воситалари тез орада имзоланиши кутилаётган ўт очишни тўхтатиш ва гаровга олинганларни озод қилиш бўйича Хамас ва Исроил ўртасида кутилаётган келишувнинг асосий бандлари эълон қилди:

- 33 нафар исроиллик гаровга олинганлар озод қилинади; Уларнинг аксарияти тирик эканлигига шубҳа бор.

- Дастлабки сулҳ 42 кун давом этади.

- Исроил ҳалигача урушни тугатиш ниятида эмас; Кейинги қадамлар бўйича музокаралар 16 январда бошланади

- ЦАХАЛ қўшинларини Ғазодан бутунлай олиб чиқмасдан, буфер зоналарда қолади.

- Ғазонинг тинч аҳолиси шимолга қайтиши мумкин, бунда ХАМАС аскарларининг минтақага қайта киришининг олдини олиш механизмлари мавжуд.

Аввалроқ, ҲАМАС битим доирасида Яҳё Синварнинг жасадини қайтаришни талаб қилаётгани ҳақида хабарлар тарқалган эди. Исроилнинг Ynet нашри ёзишича, яҳудий давлати ҲАМАС етакчисининг жасадини беришга рози эмас.