Газетанинг ёзишича, Доналд Трамп душанба куни телефон орқали суҳбат чоғида Европа етакчиларига Владимир Путин Украинадаги урушни тўхтатишга тайёр эмаслигини, чунки у ўзини "ғалаба қозонаётган" деб ҳисоблаётганини айтган.
Бу суҳбат Трамп ва Путин ўртасидаги икки соатлик телефон мулоқотидан кейин бўлиб ўтган. Ҳар икки президент бу суҳбат ҳақида ижобий фикр билдирган.
Нашрнинг ёзишича, Европа етакчилари аввал ҳам Россия президенти урушни тўхтатмоқчи эмаслигини тушунишган, бироқ бу фикрни биринчи мартаТрампнинг ўзидан эшитишган. Ҳолбуки, Трамп илгари бир неча бор омма олдида Путиннинг тинчлик келишувига эришишни исташига ишонишини айтган эди.
Оқ уй эса WSJ'га изоҳ беришдан бош тортиб, АҚШ президентининг ижтимоий тармоқларда Путин билан бўлган суҳбат ҳақида қилган постига ишора қилган.
"Путин билан мулоқотимиз оҳанги ва руҳи аъло даражада эди. Агар аксинча бўлганида, мен ҳозироқ бу ҳақда очиқ айтган бўлардим", — деб ёзган эди Трамп.
Украина кутилмаганда ҳаво жангида ғалаба қозонди: F-16 Россиянинг Су-35 самолётини уриб туширди
“Келинг, шундай келишайлик: Биз Украинада бундай ракеталарни маълум миқдорда жойлаштирамиз"
АҚШ молия вазири Илон Маскнинг кўзини кўкартирди
