Мадриднинг «Реал» клуби ва Бразилия терма жамоаси вингери Винисиус Жуниор миллий жамоа машғулотида иштирок этмади ва Хорватияга қарши ўртоқлик учрашувини ўтказиб юбориши мумкин. Бу ҳақда Globo нашри хабар бермоқда.
Винисиус Францияга қарши ўйиндан (1:2) кейин жисмоний юклама сабаб сон қисмида оғриқ ҳис қилган. Жума куни у тиббий кўрикдан ўтган ва жиддий жароҳат аниқланмаган. Шунга қарамай, футболчининг бўлажак учрашувда иштирок этиши ҳали ҳам сўроқ остида.
Аввалроқ «Барселона» ҳужумчиси Рафинья ҳам жароҳат олгани ва унинг тикланиши тахминан беш ҳафтага чўзилиши мумкинлиги хабар қилинган эди.
Бразилия — Хорватия ўйини 1 апрель куни Орландода бўлиб ўтади. Учрашув Тошкент вақти билан 05:00 да бошланиши режалаштирилган.
Ўзбек клубларига миллиардлар ажратилди
Криштиану Роналдунинг ўғли катта ёшли модель билан муносабатда гумон қилинмоқда
Европадаги легионеримиз фаолияти ҳали бошланмай тугадими?
