Виктор Орбан томонидан тузилган “Европа учун ватанпарварлар” янги ўнг қанот популистик блоки етарли миқдордаги сиёсий кучлар ва Европарламентнинг янги чақириқ депутатларини жалб қилди

Дания Халқ партияси ва Белгиянинг айирмачи “Фламанд қизиқиши” партияси ушбу блокга қўшилишларини эълон қилди. Шундай қилиб, Орбан блокига Европа Иттифоқининг турли давлатларидан киритилган сиёсий кучлар сони еттитага етди, бу фракция яратиш учун зарур бўлган минимал миқдордир.

Аввалроқ Виктор Орбан Австрия Озодлик партияси раҳбари Герберт Кикл ва Чехиянинг АNO ҳаракати раҳбари Андрей Бабиш билан бўлиб ўтган учрашувда Европа Иттифоқининг амалдаги раҳбарияти ва унинг сиёсатига қарши блок ташкил этилганини эълон қилган эди. Кейинчалик блокга Нидерландиядан Герт Вилдерс бошчилигидаги “Озодлик” партияси, шунингдек, Испания ва Португалиянинг ўнг қанот партиялари қўшилишди.