Венесуэла президенти Россиядан бошпана излаши мумкин?!

Трамп ва Мадуронинг музокараларида Венесуэла диктаторининг бошпанаси Москва бўлиши мумкинлиги муҳокама қилинди, деди республикачи сенатор.

Венесуэла президенти Россиядан бошпана излаши мумкинлиги ҳақида миш-мишлар кўпаймоқда. Маълум бўлишича, ўтган ҳафта АҚШ президенти Доналд Трамп Николас Мадуро билан телефон орқали мулоқот қилган. Америка матбуотига кўра, Трамп агар диктатор истеъфога чиқса, мамлакатни хавфсиз тарк этишга ваъда берган.

Оқ уй Мадуро билан телефон суҳбати бўлганини тасдиқлади, бироқ Трамп тафсилотларни ошкор қилишни истамади:

"Яхши ёки ёмон ўтди, деб айтмаган бўлардим. Бу телефон қўнғироғи эди", деди АҚШ раҳбари.

Республикачи сенатор Марквейн Маллин шундан сўнг CNN телеканалига Россия Мадуро қувилиши мумкин бўлган мамлакат сифатида муҳокама қилинганини айтди.

Москва Гаванадан Каракасгача бўлган Лотин Америкаси диктаторларининг ҳомийси ҳисобланади. Бундан ташқари, россиялик генерал Олег Макаревичнинг шахсан ўзи Венесуэладаги машғулотларга раҳбарлик қилгани маълум бўлди.