Вашингтоннинг Россия ОАВларига қарши ҳаракатлари жавобсиз қолмайди

Бу ҳақда Россия ТИВ расмий вакили Мария Захарованинг АҚШнинг Россия медиа-холдингларига қўйган чекловларига оид изоҳида айтилади.

«Америка маъмуриятининг ҳаракатлари жавобсиз қолмайди», деди Захарова.

Дипломатнинг сўзларига кўра, Қўшма Штатлар «ҳар қандай ўзгача фикрни бутунлай йўқ қилиш курсига қатъий риоя қилган ҳолда Россия оммавий ахборот воситалари ва журналистларига қарши навбатдаги чекловлар тўлқинини бошлади».

«Қўшма Штатларда кенг тарқалган тсензура Вашингтон томонидан бошқариладиган тегишли халқаро тузилмалар томонидан муносиб баҳоланади, деган хаёлимиз йўқ. Шу билан бирга, биз уларнинг жим туришини бундай амалиётларни маъқуллаш ва Россия оммавий ахборот воситаларига нисбатан содир этилган ўзбошимчаликларга ҳақиқий шериклик сифатида баҳолаймиз», — деди Россия ТИВ вакили.

13 сентябрь куни АҚШ Давлат котиби Энтони Блинкен Россиянинг икки медиахолдинги МИА Россия сегодня (РИА Новости ва Спутник агентликлари), АНО ТВ-Новости ва Евросиё нодавлат ташкилотига қарши янги санкциялар жорий этилганини маълум қилди.