Қўшма Штатлар ўзининг “Еттилик” гуруҳи (Катта еттилик) иттифоқчиларига Россиянинг 13 апрел куни Украинанинг Суми шаҳрига 35 кишининг ҳаётига зомин бўлган ҳужумини қоралаган баёнотни қўллаб-қувватламаслигини маълум қилди.Бу ҳақда Bloomberg дипломатик ёзишмалардан хабардор манбаларга таяниб хабар бермоқда.
Агентлик манбаларига кўра, президент Доналд Трамп маъмурияти рад жавобини Россия билан “тинч музокаралар учун маконни сақлаб қолиш” зарурати билан изоҳлаган.
Бу йил G7га раислик қилаётган Канада бошқа аъзоларга қўшма баёнотни АҚШ розилигисиз эълон қилиш мумкин эмаслигини маслаҳат берди.
Ҳужжат Сумига қилинган ҳужум Россиянинг урушни давом эттириш ниятини тасдиқлаганини таъкидлаш учун мўлжалланган эди. Бироқ Вашингтоннинг позицияси туфайли баёнот қабул қилинмади.
Украина президенти Владимир Зеленский Сумига қилинган ҳужумдан сўнг 50 га яқин давлат ва халқаро ташкилотлар Украинани қўллаб-қувватлаганини айтди. Бу ҳақда у душанба куни қилган мурожаатида маълум қилди.
Суми марказига ҳужум Россия президенти Владимир Путин ва АҚШ махсус вакили Стив Виткофф ўртасидаги учрашувдан икки кун ўтиб содир бўлди. Музокаралар 11 апрел куни Санкт-Петербургда бўлиб ўтган ва деярли беш соат давом этган. Учрашув мавзуси мумкин бўлган ўт очишни тўхтатиш эди.
Ҳужумдан бир кун ўтиб, Украинага Патриот зенит-ракета комплекслари сотилганини изоҳлар экан, Доналд Трамп Украинадаги урушга "ҳеч қандай алоқаси" йўқлигини айтди. У, шунингдек, урушни Жо Байден ва Зеленский бошлаганига ишора қилиб, қўлидаги маълумотларга кўра, Россия Сумида “хато қилганини” қўшимча қилди.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
Гидрометеорология хизмати агентлиги тезкор ахборот берди
"Реал"ни вақтинча ким бошқариши мумкинлиги маълум бўлди
