Вашингтон JASSM узоқ масофали ракеталарини Украинага бериши мумкин

АҚШ F-16 қирувчи самолётлари учун узоқ масофали JASSM ракеталарини Украинага бериши мумкин. АҚШ президенти Жо Байден маъмурияти бундай таъминот учун «очиқ», деб ёзади Politico манбаларга таяниб.

Таъминот бўйича якуний қарор ҳали қабул қилинмаган, аммо нашр суҳбатдошининг сўзларига кўра, Байден маъмурияти ҳозир «мураккаб тафсилотлар»ни ишлаб чиқмоқда. Бу нозик технологияларнинг узатилишини текшириш ва Украина самолётларининг бундай ракеталарни учиришини таъминлаш ҳақида.

Politico суҳбатдоши, шунингдек, этказиб бериш бошланишидан олдин жуда кўп иш қилиш кераклигини таъкидлади: хусусан, Киев ихтиёрида бўлган Совет самолётлари ва яқинда келтирилган F-16 қирувчи самолётлари ракеталарни нишонга олиш имкониятига эга бўлишига ишонч ҳосил қилиш.

Манбаларга кўра, АҚШ Мудофаа вазирлиги ушбу техник масалаларда аллақачон Украина билан ишламоқда. Пентагон департамент ракеталарни узатишни маъқуллаган-маъқулламаганлигига изоҳ беришдан бош тортди.