Бутунжаҳон антидопинг агентлиги (ВАДА) АҚШ томонидан бадаллар тўланмаётганлиги сабабли АҚШ президенти Дональд Трамп ва бошқа америкалик амалдорларга 2026 йилги жаҳон чемпионати ҳамда 2028 йилги Олимпиадага ташриф буюришни тақиқлашни режалаштирмаяпти. Бу ҳақда ВАДА матбуот хизмати расмий сайтда маълум қилди.
Бундан аввал Associated Press агентлиги АҚШнинг ВАДАга йиллик бадални тўлашдан бош тортгани сабабли Трамп ва америкалик мулозимларга футбол бўйича жаҳон биринчилиги ҳамда Лос-Анжелесдаги Олимпия ўйинларига ташриф буюриш тақиқланиши мумкинлиги ҳақида хабар берган эди.
Агентлик баёнотида таъкидланишича, Associated Press журналистининг мақоласи мутлақо чалғитувчи характерга эга. Шу билан бирга, хабарда агар ВАДАни молиялаштириш қисқарса, бундан бутун дунёдаги, жумладан, АҚШдаги спортчилар ҳам зарар кўриши айтиб ўтилган.
ММА афсонаси Трампнинг Эрон ҳақидаги гапларига кескин жавоб қайтарди
«Реал»дан учралган мағлубиятдан сўнг «Манчестер Сити» кийиниш хонасида нималар бўлди?
Гвардиола "Реал"га қарши ўйинда нима учун Абдуқодир Ҳусановни асосийда туширганини изоҳлади
