“Ўзбектелеком” акциядорлик компанияси Наманган филиалига янги директор тайинланди

Ушбу вазифада фаолият бошлаган Мирзохид Камолович Боқиев 1974 йилда Наманган шаҳрида туғилган. 1996 йилда Наманган саноат-технология институтининг ишлаб чиқариш иқтисодиёти ва уни бошқариш йўналишини тамомлаган.

Меҳнат фаолиятини 1996 йилда “Уздунробита” ҚҚ Наманган филиали мижозлар бўлими мутахассиси лавозимидан бошлаган. Сўнгра “Телеком-Тек” ҚАЖ бош директорининг маркетинг бўйича ўринбосари, “Unitel” МЧЖ Наманган бўлими раҳбари, вилоят Иқтисодиёт бош бошқармаси 1-тоифали мутахассиси, “Coscom” МЧЖнинг Наманган, Қўқон, Aндижон ҳудудий бўлимлари раҳбари, “Ўзбектелеком” АК Тошкент филиали тижорат директори лавозимларида ишлаган.

Тайинловга қадар “Ўзбектелеком” АК Наманган филиали тижорат директори лавозимида фаолият олиб бораётган эди.

“Ўзбектелеком” АК бошқаруви раисининг буйруғига кўра Боқиев Мирзохид Камолович “Ўзбектелеком” АК Наманган филиали директори лавозимига тайинланди.