Ўзбекистоннинг икки клуби ТОП-1000 рўйхатдан ўрин олган

Opta суперкомпьютери футбол клубларининг янгиланган жаҳон рейтингини эълон қилди.

Рўйхатга 13 000 дан ортиқ жамоалар, жумладан, Ўзбекистон Суперлигаси клублари киритилган.

Рейтингни тузишда жамоанинг миллий чемпионатдаги натижалари, лиганинг умумий даражаси, шунингдек, мамлакат ва қитъа рейтинглари ҳисобга олинди.

Рейтингда Англиянинг "Арсенал" клуби етакчилик қилмоқда. Кучли бешликдан "Бавария", "Барселона", "Реал Мадрид" ва "Манчестер Сити" ўрин олган.

Ўзбекистоннинг икки клуби ТОП-1000 рўйхатдан ўрин олган: "Нефтчи" – 933, "Насаф" – 954-ўринни эгаллаган. "Пахтакор" эса кучли мингталикдаги ўрнини бой берган ва 1017-ўринга тушган.