Ўзбекистонликлар 7 ойда саломатлик учун 14 трлн сўмга яқин маблағ сарфлади

Миллий статистика қўмитасининг дастлабки маълумотларига кўра, 2026 йилнинг январ–июл ойларида Ўзбекистонда соғлиқни сақлаш соҳасида кўрсатилган хизматлар ҳажми қарийб 13,9 трлн сўмни ташкил этди.

Бу кўрсаткич 2025 йилнинг мос даврига нисбатан 15,3 фоизга ошган.

Соғлиқни сақлаш соҳасидаги хизматларнинг 31,2 фоизи шифохона муассасалари хизматлари, 14,0 фоизи шифокорлик амалиёти ва стоматология хизматлари ҳамда 54,8 фоизи бошқа соғлиқни сақлаш хизматлари ҳиссасига тўғри келган.

Ҳудудлар кесимида соғлиқни сақлаш хизматлари ҳажми қуйидагича:

• Тошкент шаҳри — 6,4 трлн сўм;
• Тошкент вилояти — 1,4 трлн сўм;
• Самарқанд вилояти — 1,0 трлн сўм;
• Фарғона вилояти — 816,3 млрд сўм;
• Наманган вилояти — 661,6 млрд сўм;
• Андижон вилояти — 617,0 млрд сўм;
• Бухоро вилояти — 468,6 млрд сўм;
• Хоразм вилояти — 465,4 млрд сўм;
• Қашқадарё вилояти — 431,5 млрд сўм;
• Қорақалпоғистон Республикаси — 399,3 млрд сўм;
• Сурхондарё вилояти — 329,4 млрд сўм;
• Жиззах вилояти — 307,0 млрд сўм;
• Сирдарё вилояти — 242,4 млрд сўм;
• Навоий вилояти — 233,6 млрд сўм.