Ўзбекистонда “Уклон” такси чақируви хизмати ишга тушди. Хизмат Тошкент шаҳрида мавжуд. Уклон етказиб бериш хизматини ҳам тақдим этади.
Украинанинг “Уклон” такси чақирув хизмати Ўзбекистон бозорига кирди. Бу ҳақда ташкилотнинг Инстаграмъдаги саҳифасида маълум қилинди. Бугундан бошлаб мижозлар “Уклон” иловаси орқали такси чақиришлари мумкин.
“Биз бошқа мамлакатларга кенгайишни бошладик, чунки биз глобал ўйинчилар билан рақобатлаша олишимизга ишончимиз комил. Бундан ташқари, биз Украина маҳсулоти ва қадриятларимиз бизга янги мамлакатда бозор улушини эгаллашга имкон беради, деб ишонамиз”, деди компаниянинг бош операцион директори ва ҳаммуассиси Сергей Смус.
Хизмат Тошкент шаҳрида мавжуд. Уклон етказиб бериш хизматини ҳам тақдим этади. Ҳозир компания Украинанинг 27 шаҳрида фаолият юритади, компаниянинг мобил иловаси 12 млн мартадан ортиқ юклаб олинган. Май ойида Уклон Озарбайжон бозорига киришини эълон қилди.
