Вазирлар Маҳкамасининг тамаки маҳсулотлари тўғрисидаги умумий техник регламентга ўзгартиш ва қўшимчалар киритиш тўғрисидаги қарори қабул қилинди.
Ҳужжат билан сигарет қутисида пайдо бўладиган суратлар намуналари тасдиқланди.
11 ноябрь куни Соғлиқни сақлаш вазирилиги Тамаки маҳсулотлари тўғрисидаги умумий техник регламентга ўзгартиш ва қўшимчалар киритиш таклиф этилган қарор лойиҳасини муҳокама учун тақдим этди.
Унга кўра, тамаки маҳсулотлари қадоғининг ҳар икки томонида тиббий огоҳлантириш эскизлари кўрсатилади. Улар расм ва ёзувли фотосурат кўринишида бўлиб, ҳар 5 йилда 1 марта янгиланиб борилади.
Эскизлар икки тил — ўзбек ва рус тилларида бўлади.
