Ўзбекистонда олтин қуймалари нархи тарихий рекордни янгилади

Марказий банк маълумотига кўра, 13 апрель куни олтин қуймалари ва эсдалик тангалари нархлари янги тарихий максимумга кўтарилди.

Ҳозир бир грамм олтиннинг нархи 998 280 сўмни ташкил этмоқда, бу давомли байрам дам олиш кунларидан олдингига нисбатан 1,7 фоиз юқори. 5 граммли олтин қуймаси 4 991 000 сўмга сотилмоқда

Олдинги рекорд душанба куни ўрнатилиб, 5 граммлик олтин қуймаси нархи биринчи марта 4,9 млн сўмдан ошганди. Шу йил бошидан буён Ўзбекистонда олтин нархи 17,7 фоиз қимматлашган.