Ўзбекистонда бир оилага нечта телефон тўғри келиши маълум қилинди

Ўзбекистонга ўтган 8 ойда қарийб 2,6 миллион дона мобил телефон импорт қилинган. Бу ҳақда Статистика агентлиги ахборот хизмати хабар бермоқда.

Агентлигининг 2024 йил январь—сентябрь ойларида ўтказилган уй хўжаликлари танланма кузатувлари маълумотларига асосан, Ўзбекистонда 100 та уй хўжалигига тўғри келадиган мобил телефонлар сони ўртача 365 тани ташкил этган. Кўринадики, ҳар бир оилага 3,5 тадан телефон тўғри келмоқда.

Ушбу кўрсаткич ўтган йилларда қуйидагича бўлган:

• 2010 йилда — 145 та;
• 2015 йилда — 234 та;
• 2020 йилда— 287 та.

Ўзбекистонга жорий йилнинг сўнгги 8 ойида қиймати 236 миллион 200 минг долларга тенг бўлган қарийб 2,6 миллион дона мобил телефон импорт қилинган.

Импорт ҳажми ўтган йилнинг мос даври билан солиштирилганда 318 минг 579 тага ошган.

Энг кўп импорт қилган давлатлар:

• Хитой – 2,1 млн дона;
• Вьетнам – 405,5 минг дона;
• Ҳиндистон – 70,3 минг дона;
• Гонконг – 27,1 минг дона;
• БАА – 3,4 минг дона.