Ўзбекистонда 2 мингга яқин ноқонуний чиқиндихоналар аниқланди

2024 йил бошидан буён Ўзбекистон ҳудудида қарийб 721 гектар майдонни эгаллаган 1928 та ноқонуний чиқиндихона аниқланди. Бу ҳақида «Ўзбекосмос» агентлиги хабар бермоқда.

Шундан 123 таси (255,5 гектар) чиқинди сақлаш жойларидан ташқарида жойлашган, 1805 таси (465,2 гектар) ноқонуний чиқинди майдонлари сифатида рўйхатга олинган.

Қуйида ҳудудлардаги чиқиндихоналар тўғрисидаги маълумотлар келтирилган:

Қорақалпоғистон – 243;

Хоразм вилояти – 168 та;

Бухоро вилояти – 92 та;

Навоий вилояти – 216 та;

Самарқанд вилояти – 147 та;

Қашқадарё вилоятида – 81 та;

Андижон вилояти – 180 та;

Наманган вилояти – 195 та;

Фарғона вилояти – 164 та;

Тошкент вилояти – 363 та;

Жиззах вилояти – 39 та;

Сурхондарё вилояти – 40.

Бундай ноқонуний чиқинди майдонларини яратиш, биринчи навбатда, хавфли, чунки у атроф-муҳит ва экологияга катта салбий таъсир кўрсатади, шунингдек, тупроқ, сув ва ҳаво сифатига салбий таъсир қилади. Бундан ташқари, бу одамларда зарарли ҳашаротлар, юқумли касалликлар, ўпка саратони ва нафас олиш органлари касалликлари сонининг кўпайишига ёрдам беради, дейилади хабарда.