Мамлакатимиз Бош прокуратураси делегациясининг Жанубий Кореяга амалий ташрифи доирасида Ўзбекистон бош прокурори Ниғматилла Йўлдошев Корея Республикаси Адлия вазирлиги Адлия институти раҳбари Мёнг Чум-Шик билан учрашди, деб хабар бермоқда «Дунё».
Мулоқот аввалида томонлар 2019 йилда имзоланган ўзаро англашув Меморандуми доирасида Ўзбекистон Ҳуқуқни муҳофаза қилиш академияси ва Корея Республикаси Адлия институти ўртасидаги муносабатлар изчил ривожланиб бораётганини таъкидладилар.
Бундан ташқари, суҳбатдошлар икки давлат идоралари ўртасидаги ҳамкорликнинг истиқболли йўналишлари юзасидан фикр алмашдилар.
Хусусан, Ўзбекистон бош прокурори атроф-муҳитни муҳофаза қилиш, коррупцияга қарши курашиш, ахборот технологиялари ва томонларни қизиқтирган бошқа соҳаларда кадрлар салоҳиятини ошириш бўйича ҳамкорликни кенгайтиришни таклиф қилди.
Ўз навбатида, Корея Республикаси Адлия институти раҳбари Ўзбекистон томонининг ташаббусини қўллаб-қувватлади ва ҳамкорликни фаоллаштириш, шунингдек, қайд этилган йўналишлар бўйича, жумладан, Ўзбекистон прокуратураси ходимларининг касбий тайёргарлигини оширишга оид тадбирларни ташкил этиш орқали тажриба алмашишга тайёрлигини билдирди.
Ўзбекистон Бош прокуратураси делегациясининг Жанубий Корея Адлия институти вакиллари билан учрашуви дўстона ва ўзаро англашув руҳида ўтди.
Қувайт энди Эронга ошкора ваъда берди
Россиянинг уруш машинаси тезлашмоқда
Эндиликда 11,25 млн сўмдан юқори пул ўтказмалари қатъий назоратда бўлади
