Ўзбекистон ҳақида номақбул гапирган чет элликлар мамлакатга киритилмайди

Кўплаб муҳокамаларга сабаб бўлган, Ўзбекистон ҳақида номақбул гапирган чет элликларга тақиқ қўйишга оид қонун Сенатда маъқулланди.

Мазкур қонунга кўра, чет эл фуқаролари ва фуқаролиги бўлмаган шахслар Ўзбекистоннинг давлат суверенитетига, ҳудудий яхлитлигига ва хавфсизлигига зид бўлган; давлатлараро, ижтимоий, миллий, ирқий ҳамда диний адоватни келтириб чиқарувчи; Ўзбекистон халқининг шаънини, қадр-қимматини ёки тарихини таҳқирловчи оммавий чиқишлар қилиш ёхуд ҳаракатлар содир этиш Ўзбекистон Республикасида бўлиши номақбул деб топиш учун асос бўлади.