БМТнинг барқарор ривожланиш ечимлари бўйича бўлими 2019 йилги World Happiness Report йиллик ҳисоботини эълон қилди. Унда Ўзбекистон бир йил олдинги мавқеини яхшилади. Бу ҳақда xs.uz сайти хабар бермоқда.
156 мамлакат жой олган янгиланган рейтингда Ўзбекистон 44-ўриндан 41-ўринга кўтарилган. Мамлакатимиз рейтингда 6,174 баллга эга бўлган.
Рейтингни тузишда мутахассислар аҳоли жон бошига тўғри келадиган ялпи ички маҳсулот даражасини, давлат томонидан фуқароларни ижтимоий қўллаб-қувватлаш даражасини, соғлом турмушнинг давомийлигини, ҳаётий муҳим қарорлар қабул қилиш эркинлигини, саховат ва коррупцияга муносабат даражасини кўриб чиқди
Жорий йилги рейтингда, Ўзбекистон МДҲ давлатлари орасида етакчи ўринни эгаллаб турибди. Рейтингда, Қозоғистон - - 60, Тожикистон - - 74, Беларусь - - 81, Қирғизистон - - 86, Туркманистон - - 87, Озарбайжон - - 90 ўринни эгаллаган.
Рейтингда Финляндия 7,769 балл билан етакчилик қилмоқда. Кейинги ўринларда - - Дания, Норвегия ва Исландия мамлакатлари жой олган.
Рейтингнинг энг сўнгги ўринларини Руанда, Танзания, Афғонистон, Марказий Африка Республикаси ва Жанубий Судан мамлакатлари банд этган.
Manba: azon.uz
Россия қўшинлари Авдeевка шимоли-ғарбидаги Украина фронтини ёриб ўтди
Microsoft битта тасвирдан видео яратадиган янги нейрон тармоқни тақдим қилди
Афзал Рафиқов ўша машҳур овозини йўқотди. Нега? (ВИДЕО)
