Урушни тўхтатиш учун Украина ҳудудларини Путинга бериш ечим эмас ва ҳеч қачон бундай бўлмайди

Украина етакчиси бу фикрни АҚШ президентининг махсус вакили Кит Келлог билан Киевдаги учрашувида билдирди.

Владимир Зеленскийнинг бошқа баёнотлари:

◾️ Путинга Украинанинг у ёки бу ҳудудини бериш орқали урушни тўхтатиб бўлмайди. Бу фақат вақтинчалик танаффус бўлиб, охир-оқибат яна янги ҳужумларга олиб келади. Шу каби ҳолатларни 2008 йилда Грузияда, 2014 йилдан кейин Қрим ва Донецкда кўрганмиз;

◾️ Путиннинг мақсади бутун Украинани босиб олиш. У “уруш машинаси”ни шундай ҳаракатлантириб юборди-ки, энди уни тўхтата олмайди;

◾️ Вақтинчалик танаффус эмас, балки мустаҳкам тинчлик ва хавфсизлик кафолатлари, шунингдек, Россиянинг жавобгарлигини таъминлаш керак;

◾️ Россиянинг 800 та дронига қарши курашиш учун Украинага 1600 та тутиб қолувчи қурилмалар керак;

◾️ Кўринишидан, Хитой бу урушни тўхтатишга, ҳаттоки зарбаларни тўхтатишга ҳам қизиқмаяпти. Акс ҳолда, россияликлар Хитой вакиллари Киевда бўлган пайтда шаҳарни ўққа тутмаган бўлар эди;

◾️ Қўшма Штатларда Patriot'дан ҳам кучлироқ ҳаво мудофааси мавжуд, бу генерал Кит Келлог. Агар Келлог Россияни ўт очишни тўхтатишга мажбур қилса, унга Украина фуқаролигини, квартира ва зарур бўлган ҳамма нарсани беришга тайёрмиз.