"United Airlines" ва "American Airlines" бирлашмоқчи

Манбаларнинг хабар беришича, "United Airlines" бош директори Скотт Кирби феврал ойи охирида Оқ уйда Доналд Трамп билан бўлиб ўтган учрашувда "American Airlines" билан бирлашиш имкониятини илгари сурган. Агар бу келишув амалга ошса, соҳада сўнгги ўн йилликдаги энг йирик консолидация юз беради ва дунёдаги энг улкан авиакомпания ташкил этилади.

Кирбининг фикрича, бундай бирлашиш АҚШ авиакомпаниясига халқаро бозорда хорижий рақобатчиларга қарши туришда катта устунлик беради. Бироқ экспертлар ва Оқ уй вакиллари бунга шубҳа билан қарамоқда. Чипталар нархи ошиши, иш ўринлари қисқариши ва бозорда монополия юзага келиши хавфи туфайли лойиҳа жиддий қонуний тўсиқларга дуч келиши мумкин.