Украинани NATO'га қисман таклиф қилиш мумкин эмас, - Зеленский

Украина президенти Киевдаги матбуот анжуманида ҳудудининг бир қисми босиб олинган давлатни NATO'га таклиф қилиш мумкин эмаслигини маълум қилди.

"Украина ўз ҳудудлари Россия томонидан босиб олинганини қонуний жиҳатдан ҳеч қачон тан олмайди. Путин буни тушунишига ишончим комил эмас, лекин мен цивилизациялашган дунё буни тушунишини истайман", — дея таъкидлади Зеленский.

Бир кун аввал Зеленский Sky News телеканалига берган интервьюсида, агар Украинанинг Киев назорати остидаги ҳудуди “NATO ҳимояси остига” олинса, Россия билан урушнинг “қайноқ босқичи” тугаши мумкинлигини айтган эди.