Украинада 500 кун давом этган урушда 494 бола ҳалок бўлди

Украина Бош прокуратураси урушда жароҳатланган болалар ҳақидаги маълумотларни эълон қилди. 2023 йил 8 июл куни эрталабки ҳолатга кўра, вояга етмаганлар бўйича прокурорларнинг расмий маълумотларига кўра, 494 нафар бола ҳалок бўлган, 1051 нафардан ортиқ бола турли тан жароҳатлари олган. Департамент худди шундай маълумотларни 29 июн куни эълон қилди. Ҳисоботда таъкидланишича, бу рақамлар якуний эмас. Бош прокуратура томонидан уруш жойларида болаларнинг уруш қурбони бўлиш ҳолатларини аниқлаш давом этмоқда.

Жабрланган болаларнинг катта қисми — 472 бола Донецк вилоятига тўғри келмоқда. Бош прокуратура минтақалар бўйича маълумотларни тақдим этади: Харков вилоятида 297 нафар, Киевда 129 нафар, Херсонда 115 нафар, Запорожьеда 91 нафар, Николайда 89 нафар, Днепропетровскда 83 нафар бола жароҳатланган.