Бу ҳақда Украина президенти Владимир Зеленский ва Россия Мудофаа вазирлиги маълум қилди.
"Бугун армиямиз жангчилари, миллий гвардиячилар ва чегарачилар уйига қайтди. Улар даволанишга муҳтож, албатта, зарурий ёрдам кўрсатилади. Бу оғир яраланган ва касалланган жангчиларни қайтариш бўйича иккинчи алмашинув", — деб ёзди Зеленский Telegram каналида.
Россия Мудофаа вазирлиги эса Россия армияси хизматчилари Беларусга олиб келингани, у ерда уларга психологик ва тиббий ёрдам кўрсатилаётганини маълум қилди.
9 июн куни ҳам Россия ва Украина томонлари ёши 25 ёшдан кичик бўлган ҳарбий асирларни алмашган эди. Киев маълумотларига кўра, яраланган ва соғлиғи ёмонлашган ҳарбий хизматчилар ҳам ватанига қайтарилган. Ўшанда Украинадаги Асирлар билан ишлаш бўйича мувофиқлаштирувчи штаб, хавфсизлик нуқтаи назаридан, озод қилинганлар сони бутун жараён тугагандан сўнг эълон қилинишини билдирган эди.
Кейинги куни томонлар оғир яраланган ва саломатлиги ёмонлашган ҳарбий асирларни алмашди.
2 июн куни Истанбулда бўлиб ўтган Россия ва Украина делегациялари ўртасидаги музокараларда кенг кўламли асирлар алмашинувини ўтказиш бўйича келишувга эришилганди. Томонлар оғир яраланган ҳарбийлар, 18 ёшдан 25 ёшгача бўлган асирларни алмашиш, шунингдек, ҳалок бўлган 6000 нафар ҳарбий хизматчининг жасадларини қайтариш юзасидан келишиб олган эди.
Доллар ва евро кескин кўтарилди
Кремль "ёнмоқда" - Сербия Украинага яқиндан ёрдам бермоқчи
Уҳ! Исроил Эронга ҳужум қилди
