“НАТО саммити натижалари яхши, лекин таклиф бўлганда эди, улар мукаммал бўларди”, деди Украина президенти Владимир Зеленский чоршанба куни Вилнюсдаги матбуот анжуманида.
“Ҳеч ким жаҳон урушини хоҳламайди ва буни биз ҳам тушуна оламиз […] биз маданиятли одамлармиз, уруш кетаётган пайтда НАТОга аъзо бўла олмаслигимиз аниқ”, — деб тан олди Зеленский.
“Бугун яна бир муҳим сигнал бор. Агар бугун G7 хавфсизлик кафолатлари бўйича декларацияга рози бўлса, биз НАТОга кетаётганимизда кафолатлар ўз кучида қолишини айтади [...] Бу биз учун муҳим қадам бўлади”, деди Зеленский.
Британия ҳукумати ва АҚШ президенти маъмурияти аввалроқ хабар қилганидек, чоршанба куни НАТО саммити арафасида G7 давлатлари яқин йилларда Украинага ҳарбий ёрдам кўрсатиш декларацияси-режасини имзолайди.
