ЕИ Украинани тезлаштирилган тартибда қабул қилиш учун махсус модел устида ишламоқда — Financial Times.
Нашр маълумотларига кўра, Брюссел “Совуқ уруш” давридан буён амал қилиб келаётган ЕИга аъзо бўлиш тизимини ислоҳ қилишни режалаштирмоқда. Таклиф этилаётган модел Украинага расмий аъзолик мақомини беришни, бироқ унинг етакчилар саммитлари ва вазирлар йиғилишларида тўлиқ овоз бериш ҳуқуқисиз иштирок этишини назарда тутади.
Шу билан бирга, Киев Европа Иттифоқининг ягона бозорига босқичма-босқич кириш, қишлоқ хўжалиги субсидиялари ва ривожланиш жамғармаларидан фойдаланиш имкониятига эга бўлиши мумкин.
"Мазкур ташаббус АҚШ томонидан таклиф этилган Украинадаги урушни тугатиш режаси муҳокамаси фонида пайдо бўлди. Хусусан, 20 банддан иборат режа лойиҳаларида Украинани 2027 йилгача Евроиттифоққа қабул қилиш эҳтимоли қайд этилган", дея ёзмоқда нашр.
Бироқ Еврокомиссия тўлиқ аъзолик мезонларига мослашиш Украинадан 10 йилгача давом этадиган ислоҳотларни талаб қилиши мумкинлигини таъкидламоқда. Шу билан бирга, “соддалаштирилган” ёндашув айрим ЕИ давлатларида норозилик уйғотмоқда.
Афғонистон тезкор тарзда ўз армиясини кучайтиришга қарор қилди
"Орешник" зарбаси Ғарб учун сигнал бўлди
АҚШ Мадурога қарши операция давомида номаълум махфий қуролдан фойдаланган
