Украина Ростов вилоятидаги Каменский комбинатига АТАCМS ва Storm Shadow ракеталари билан ҳужум уюштирган — Россия Мудофаа вазирлиги

"Россия ҳаво мудофаа тизимлари олтита АТАCМS ракеталарининг барчасини ва тўртта Storm Shadow ракетасидан учтасини уриб туширди. Бир қанотли ракета завод ҳудудидаги техник тузилмага зарар етказди", дейилади вазирлик баёнотида.

Украина Миллий хавфсизлик ва мудофаа кенгаши ҳузуридаги Дезинформацияга қарши кураш маркази раҳбари Андрей Коваленко Украина қўшинлари 18 декабр куни Каменский комбинатига ҳужум қилганини тасдиқлади.

Каменский комбинати — Россиянинг жанубидаги энг йирик кимё корхоналаридан бири бўлиб, Каменск-Шахтинский шаҳрида жойлааҳган. Ушбу комбинатда кимёвий маҳсулотлар ишлаб чиқарилади.